!!!!!!!!!!!مواقف و طرائف فى اكادمية بطارخ

مساء الخير, بكل بساطة كل واحد فينا عانى كتير في الكلية بتاعته أنا قررت أحكلكوا بعض المواقف فيها الكوميدي و فيها قلي يجيب اكتئاب, ما عالينا أنا في كليه اسماها ولا بالاش علشان الرقابة لحسن حد يقلي كده أنت بتبوظ سمعة المكان فا هسميها الشمس أول ما بتطلع والحدق يفهم
القصة المره دي تبدأ يوم الخميس اللي فات نزل جدول بسيط جدا مكتوب فيه كالأتي ( امتحانات العملي من يوم السبت القادم إلى يوم الأربعاء) وماكتبوش المواد اللي هانمتحنها ولا الساعة كام تقريبا الحبر خلص منهم المهم يوم السبت جه وحنا مش عرفين أى حاجه رحنا الكلية قالوا مفيش امتحانات ولسة ماحددناش وحنبقى نعلق ورقة نقولكم فيها المواعيد
المهم عدى اليوم ومفيش حاجة تانى يوم باردوا مافيش حاجة يوم الأتنين الصبح جالى تليفون بيقول ألحق عندك امتحان كمان ساعتين جريت على هناك وقلي أصل الجدول نزل أمبارح الساعة 3:30 يعنى في الميعاد بتاع ركوب الأتوبيسات فطبعا محدش شاف الجدول طبعا اللي لحق يذاكر ولي مالحقش على العموم ماهى كدا كدا بيظا المهم عديت على خير الأمتحان قلي بعده عملت حسابه ورايح جاهز و تمام دخلت اللجنة اقعدت على الكومبيوتر وللأسف الشديد انى اخترت المكان اللي ضهرى فيه للسبورة لأن المفروض ان ملهاش لزمة في العملى بس حظى كان جذمة فى سؤال المفروض يكون فية رسمه نسيوا يحطوها في الورقة والحل أجيبوا منين ؟ من الرسمه طبعا فا كل ثانية ألف ابص على الرسمه مافيش دقيقه و اسمع بص قدامك بدل ما أسحب ورقتك فبكل سذاجة سالت أنا؟ الرد كان طبعا هو فى غيرك؟ فرديت طبعا أنا بس بابص على الرسمه ......كداب أنت بتغش.......لأ انا محتاج الرسمه عاشان أحل..............مش مشكلتى متبصش وراك..................طب ممكن أنقلها على ورقة الأسئله؟............ممنوع........لية؟....هيا كدة...........طب أنقلها على ورقة الإجابة؟..........لأ.......لأ لية؟؟؟........لازم أسال الدكتور الأول هاتوا الدكتور.....وعدت أيام و سنين وفين وفين وصل تقريبا جابوه من البيت ........يا دكت..وقبل ما أكمل الكلمة بصلى بشر ............الأمتحان واضح و سهل و مش محتاج أسئلة......يا دك..يا أبنى الأمنحان مش محتاج أسئله ما تتعبنيش معاك بدل ما تتطلع برة.... طب حد يقلي اقله أيه كانه كاتب يفطة ممنوع الأقتراب أو الأسئلة....المهم أنه سبنى و مشى المهم فين و فين المعيدة جابتلى ورقة فاضية و قالتي أرسم فيها الرسمه............طيب ما كان من الأول

لو كنت مكانى كنت عملت أيه؟؟؟؟؟؟؟؟؟

نهاية يوم 1